10-dan artıq Avropa ölkəsinin səfirliyi göy qurşağı bayrağı açaraq 17 Mayı qeyd edib

Avropa İttifaqı, Fransa, Almaniya, Niderland, Belçika, Litva, İsveç səfirləri və digər Aİ ölkələri səfirliklərinin nümayəndələri IDAHOT-u birlikdə qeyd ediblər. Eyni tədbir Britaniyanın Azərbaycandakı Səfiri və əməkdaşları tərəfindən də həyata keçirilib.

Avropa İttifaqına üzv ölkələrin səfirliklərinin paylaşdığı mesajda deyilir:

“Bu gün, Homofobiya, Bifobiya və Transfobiyaya qarşı Beynəlxalq Mübarizə Günü (IDAHOT) münasibətilə, Aİ Nümayəndəliyi və Aİ ölkələrinin səfirlikləri hər yerdə LGBTI şəxslərin bərabərliyi, ləyaqəti və insan hüquqlarından tam şəkildə istifadə etməsi prinsipini qətiyyətlə dəstəkləyir.

Ayrı-seçkiliyin davam etdiyi bir mühitdə demokratiya inkişaf edə bilməz. Bərabərliyin qorunması həm onlayn, həm də oflayn müstəvidə zorakılığın, damğalanmanın və kənarlaşdırmanın bütün formalarına qarşı mübarizə aparmaq deməkdir.

Aİ vətəndaş cəmiyyətini dəstəkləməyə, insan hüquqlarını müdafiə etməyə və heç kimin kənarda qalmadığı inklüziv cəmiyyətlərin qurulması istiqamətində çalışmağa sadiqdir.

IDAHOT2026 #EU4HumanRight”

Britaniya Səfirliyinin yayımladığı mesajda isə qeyd edilir:

“Bu gün Britaniyanın Bakıdakı Səfirliyi dünyanın hər yerindəki icmalarla birlikdə sadə, amma həyati əhəmiyyətli bir şeyi bir daha təsdiqləyir: hər kəs, hər yerdə, azad yaşamaq, açıq şəkildə sevmək və qorxusuz ifadə etmək haqqına malikdir.

İnsan hüquqları şərtli deyil. Ləyaqət qazanılmalı olan bir şey deyil. Və heç kim sadəcə özü olduğu üçün nifrətə və ya zərərə məruz qalmamalıdır.

Bu gün və hər gün, biz bərabərlik uğrunda dayanırıq və nifrətə qarşı sevgini seçirik. #IDAHOBIT