Azərbaycandan olan iki film “Fringe! Queer Film & Arts” Festvilanında nümayiş olunacaq.
Bu ay Londonda keçiriləcək festivalda nümayiş etdiriləcək əsərlər Mehriban Kərimovanın çəkdiyi Home Within və Nərgiz Məmmədlinin çəkdiyi CityScape Dreams filmləridir.
“Home Within” yəni, “İçimdəki Ev” filmi cəmiyyətin stereotipləri və sosial təzyiqləri ilə üzləşən bir gəncin həyatına fokuslanır. Əsas məqsəd, cəmiyyətdə kuir fərdlərin yaşadığı çətinlikləri və onların ev tapmaq, özlərini ifadə etmək üçün göstərdikləri mübarizəni ön plana çıxarmaqdır. Film, bakılı gənc trans qadın Karmenin hekayəsini izləyir – o, öz kimliyinə sadiq qalaraq təhlükəsiz bir məkan tapmağa çalışır. Nəticə etibarilə, film qəbul olunmaq və bir yerə aid olmaq üçün aparılan ümumbəşəri axtarışı təsvir edir.
Filmlərin festivalın tərkibində nümayiş etdiriləcəyi “Make yrself at Home” kategoriyası, ev qurmaq, miqrasiya hekayələri, seçilmiş ailələr, aşiq olmaq və cəmiyyətdə mövcud olmağın yeni sərhədsiz yollarını yaradmaq hekayələri arasında saysız-hesabsız təzahürlərə kuir baxışla bağlıdır.
Fringe! Queer Film & Arts Fest, 2011-ci ildən bəri Londonda keçirilən, kuir yaradıcı cəmiyyətə əsaslanan və tamamilə könüllü idarə olunan bir festivaldır. Hər il payızda keçirilən festivalda dünya miqyasında LGBTQ+ hekayələrini təqdim edən müxtəlif film, sənət və tədbirlər nümayiş olunur. Festival, eksperimental filmlərdən və quraşdırmalardan tutmuş, seminarlar və canlı müzakirələrə qədər bir sıra müxtəlif tədbirlər təklif edir. Həmçinin, tədbirlər və filmlərin bir çoxu sərbəst və ya münasib qiymətlərlə təqdim olunur, bu da festivalı həm əyləncəli, həm də tənqidi bir sahəyə çevirir.
