Amerikalı reper Snoop Dogg uşaq filmlərində LGBTQ+ rolların olması ilə bağlı açıqlama verib.
O, “It’s Giving” podkastında danışarkən nəvəsi ilə birlikdə “Lightyear” filminə baxmağa getdiyini bildirib. Filmdə iki qadın obrazın öpüşməsini görən nəvəsinin “iki qadın necə uşaq sahibi ola bilər?” sualına cavab verə bilmədiyini deyib.
“Mən bura sadəcə film izləməyə gəlmişdim… İndi kinoya getməkdən qorxuram, çünki uşaqlar belə suallar verir, amma mənim cavabım yoxdur.”
Reper əlavə edib ki, bu səhnələrin uşaqlar üçün nəzərdə tutulan filmlərdə göstərilməsinə ehtiyac olmadığını düşünür: “Onlar hələ balacadır… mütləq belə şeyləri göstərməliyikmi? Çünki uşaqlar sual verirlər və cavab vermək çətindir.”
Onun sözlərinə görə, eynicinsli münasibətlərin nümayişi artıq “hər yerdə” göstərilir.
