Qərbi Afrikada yerləşən Burkina Fasoda hərbi idarəçilər homoseksuallığı cinayət elan edən qanunu qəbul ediblər. 2 sentyabr 2025-ci ildə keçid parlamentində müzakirəyə çıxarılan layihə bütün 71 üzv tərəfindən yekdilliklə təsdiqlənib.
Yeni qanuna görə, homoseksual münasibətdə olduğu müəyyən edilən şəxslər 2 ildən 5 ilə qədər həbs və əlavə olaraq pul cəriməsi ilə cəzalandırılacaq. Ölkəyə gələn əcnəbilər bu qanunu pozduqları halda deportasiya ediləcəklərlər. Ədliyyə naziri Edasso Rodrigue Bayala dövlət televiziyasında çıxış edərək bildirib: “Bu davranışlar mütləq hakim qarşısında cavab verəcəkdir” və homoseksuallığı “qəribə davranış” adlandırıb.
Burkina Faso hazırda 2022-ci ilin sentyabrında çevrilişlə hakimiyyətə gəlmiş kapitan İbrahima Traore tərəfindən idarə olunur. 34 yaşında hakimiyyətə gələn Traore ölkənin ən gənc liderlərindən biridir. O, hakimiyyətə gəldikdən sonra iki-üç ay ərzində təhlükəsizlik vəziyyətini yaxşılaşdıracağına və seçkiləri 2024-cü ildə keçirəcəyinə söz versə də, bu ilin mayında hərbi rəhbərlik seçkilərin ən azı beş il sonraya təxirə salınacağını elan edib. Yeni qəbul edilən qanun ölkədə LGBTQ+ icmasının hüquqi vəziyyətini kəskin şəkildə pisləşdirib.
