Rusiyanın Yekaterinburq şəhərindən 35 yaşlı Aleksandra Z. adlı fotoqraf 2022-ci ildə yazdığı və eyni cins münasibətlərini təsvir edən fan-fikşın (fanfiction) əsərlərini yayımladığı üçün “pornoqrafiyanın yayılması” ittihamı ilə üz-üzədir. Bu haqda Novaya Gazeta xəbər verir.
Polis onun evində axtarış apararaq yazdığı kitabları, noutbuklarını, bir iPad-i və iki smartfonunu götürüb.
Alınan məlumata görə, polis icraat zamanı “psixoloji və dilçilik (lingvistik) ekspertiza aparıb və Aleksandranın əsərlərində pornoqrafik məzmun aşkar etdiyini” bildirib.“Qeyri-ənənəvi (eynicinsli) sevgidən bəhs edən onlayn fan-fikşın tapıldığı” da qeyd olunub.
Əgər məhkəmə tərəfindən günahkar hesab edilərsə, Aleksandra heç əvvəl cəza almamış olsa da, Rusiyanın cinayət məcəlləsibə əsasən 6 ilə qədər azadlıqdan məhrum edilmə riski ilə üz-üzədir.
Qeyd etmək lazımdır ki, Rusiyada 2022-ci ilin dekabrında qəbul edilmiş “LGBT təbliğatı”na qarşı qanun bu cür yeni cinayət mexanizmlərinin tətbiqinə zəmin yaradıb.
