Sosial mediada talış bölgəsindəki rayonlarından birində rayonun ucqar kəndlərindən birinin sakini olmuş oğlanın Bakıda tanış olduğu trans qadınla nişanlanmasından sonra o və nişanlısının kənddən qovulması haqda xəbərlər yayılıb.
Ölkə.Az 6 fevral tarixində yazır ki, bir müddət əvvəl işləmək məqsədilə Bakıya gələn oğlan bir trans qadınla tanış olub və həmin şəxslər birgə yaşayıblar. Daha sonra oğlanın atası onun münasibətdə olduğu şəxsi sisgender qadın zənn edərək rayona dəvət edib. Məlumata görə, oğlanın atası yaxın qohumları bir araya toplayaraq onlara nişan mərasimi keçirib. Qadının trans olduğunu bildikdən sonra kənd camaatı cütlüyü 2 gün sonra kənddən qovub.
Sosial mediadakı xəbərlərdə trans qadının oğlanın atasının onları ayırmaq üçün Möhsünü polisə şikayət etdiyini və onu narkotik istifadəçisi olmaqda ittiham etdiyi deyilir. Lakin onun şikayətinin nəticə ala biləcəyi isə sual altındadır.
LGBTQ+ icması içərisində mütəmadi olaraq Azərbaycanda polisin şikayətlərə baxmamasına qarşı səslər yüksəlir. İcma üzvləri dəfələrlə dövlət qurumlarının onlar üçün əlçatan olmadığını deyiblər. Bu səbəbdən də zərərçəkənlərin təhlükəsizliklərinin təmin olunması və hadisə ilə bağlı geniş açıqlama öyrənmək çətindir.
Transgender Avropa təşkilatının Trans Hüquqları Xəritəsinə görə Azərbaycan ən aşağı reytinqli ölkələr sırasındadır.
