Qazaxıstan Senatı ölkədə LGBTQ+ icmasına qarşı ciddi təsir göstərə biləcək LGBTİ+ təbliğatını qadağan edən qanun layihəsinin baxışını təxirə salıb. Əvvəlcə parlamentin aşağı palatası – Məclis layihəni təsdiqləmişdi. Layihədə sosial şəbəkələrdə, mediada və ictimai yerlərdə “qeyri-ənənəvi cinsi münasibətlərin təbliğinin” qadağan edilməsi, qanunun pozulması halında inzibati məsuliyyət və 10 günədək həbs cəzasını nəzərdə tutulurdu. Layihədə hətta filmlərdən LGBTQ+ mövzulu səhnələrin çıxarılması təklifləri də mövcud idi.
Senatın mətbuat xidməti açıqlayıb ki, müzakirənin təxirə salınmasının səbəbi layihədəki bəzi maddələrin əlavə işlənməsinə ehtiyacdır. Qanun layihəsi Əmək Məcəlləsinə və 12 digər qanuna dəyişikliklər gətirir, uşaqların hüquqlarının qorunması məsələlərini də əhatə edir. Bu səbəbdən Senat üzvləri layihəni “daha diqqətli və balanslı şəkildə” nəzərdən keçirmək üçün müzakirəni sonrakı tarixə təxirə salmağa qərar veriblər.
Layihənin müvəqqəti təxirə salınması LGBTI+ icması tərəfindən “qismən qələbə” kimi qiymətləndirilir. Aktivistlər dekabrın 18-də növbəti baxış tarixinə diqqət çəkərək beynəlxalq dəstəyin davam etdirilməsinin vacibliyini vurğulayırlar.
