Qüds şəhərində 5 iyun tarixində keçirilən Qürur Yürüyüşündə “Soyqırımda qürur yoxdur!” şüarları səsləndirən antisionist LGBTI+ blokuna polis zorakılığı göstəlib. Aktivistlər döyülüb, pankartlarına əl qoyulub və 10 nəfər saxlanılıb.
Saxlananların arasında İsrailli müxalif deputat Ofer Cassif də olub. O, mediaya İsrailin “saxtakarlıqla LGBTI+ dostu imic yaratdığını” və “işğal, aclıq, soyqırımı ört-basdır etmək üçün beynəlxalq platformada bu imicə sığındığını” deyib.
İsrailin dövlət yayımçısı KAN (İsrail Dövlət Yayım Qurumu) xəbər verib ki, yürüşdə ən azı bir aksiyaçı polis əməkdaşına hücum etdiyi üçün həbs olunub.
Yürüş iştirakçıları eləcə də yol boyu onlara qarşı bəzi əks aksiyalarla rastlaşıblar. Polis bəyan edib ki, yürüş səbəbindən bir neçə küçə bağlanıb.
