Screenshot
Türkiyədə İstanbul Böyükşəhər Bələdiyyəsinin sədri Əkrəm İmamoğlu və müxtəlif bələdiyyə üzvləri, müşavirlər və jurnalistlər bu gün səhər saatlarında saxlanılıb. İstanbul Baş Prokurorluğu İmamoğlu və ətrafı ilə bağlı ümumilikdə 106 nəfər haqqında həbs qərarı çıxardığını açıqlayıb. İmamoğlunun isə bir neçə gün əvvəl diplomu ləğv edilərək prezidentliyə potensial namizəd kimi göstərilməsi əngəllənmişdi.
Türkiyəli LGBTQ+ aktivistləri bu hadisəni “xalqın iradəsinin qəsbi” adlandırır. İstanbul Qürur Yürüyüşü Komitəsi bəyanat yayaraq deyib: “Hər seçkidə kürd bələdiyyələrinə qəyyum sədrlər təyin edən hökumətin qanunsuz və antidemokratik təzyiqi illərdir hər yeri girov götürüb. Saxlanma əməliyyatında irəli sürülən korrupsiya və terror iddiaları və şəhər konsensusunun qondarma terror fəaliyyəti kimi təqdim edilməsi hökumətin müxalif səsləri susdurmaq cəhdidir.”
Hazırda İstanbulun Taksim meydanına girişə məhdudiyyətlər qoyulub. Fəallar isə insanları küçələrə çıxmağa səsləyirlər.
