Finlandiyanın Espoo şəhərində yaşayan 30 yaşlı azərbaycanlı qadın avqustun 29-da femisid nəticəsində həyatını itirib. O, iki uşaq anası və hamilə idi.
Yaxınlarının sözlərinə görə, qadın uzun müddət keçmiş həyat yoldaşının təzyiq və təqiblərinə məruz qalıb. Cinayətdən iki həftə əvvəl isə məhkəməyə müraciət edərək qorunma tədbirləri tələb edib. Lakin iclas keçirilmədiyi üçün qadın müdafiəsiz qalıb.
Hadisə Finlandiya Azərbaycanlıları Assosiasiyası tərəfindən də təsdiqlənib.
