Feminist fəal Gülnara Mehdiyevanın qadın məhbuslara yardım çağırışı geniş dəstək qazanıb. 11-12 yanvar tarixlərində Müsavat Partiyasının qərargahında keçirilən ianə aksiyası qadın məhbusların ehtiyaclarını qarşılamaq məqsədi daşıyırdı. Bu təşəbbüs həbsxana rəhbərliyinin də qadınların lazımi ehtiyaclarını təmin etməsinə səbəb olub. Belə ki, aksiya hələ tam bitməmiş iştirakçılar xəbər alıblar ki, artıq qadın məhbuslara gigiyenik vasitələr və ərzaqlar verilib.
İştirakçılar bu tip aksiyaların daha mütəmadi olmasını istəyirlər. Onlar düşünürlər ki, həbsxanalardakı vəziyyəti nəzarətsiz qoymaq olmaz. Xüsusən də son illərdə Azərbaycanda bir çox jurnalistin həbs olunmasından sonra həbsxanalarda zorakılıq və korrupsiya halları ilə bağlı mediada xəbərlər artmağa başlayıb.
