Bakıda yaşayan TikTok istifadəçisi “riad.291” adlı kuir vətəndaş bir qrup şəxs tərəfindən bayraq meydanında hücuma məruz qaldığını paylaşıb.
İstifadəçinin bildirdiyinə görə, kim olduğunu bilmədiyi bir qrup şəxs ona gücum edərək fiziki xəsarətlər yetirib və onun şəxsi əşyalarına ziyan veriblər. Riyad Azərbaycan Respublikasının Baş Prokurorluğuna və Səbail Rayon Polis İdarəsinə sosial media vasitəsi ilə səslənərək 25 may tarixində məruz qaldığı hücumla bağlı səsini duyurmağa çalışır.
Riyad deyir ki, 8-ci polis bölməsi işlə bağlı araşdırma aparmır, əksinə mövzunu bağlamağa çalışır. Tədqiqat aparılmayıb, kamera görüntüləri açılmayıb. Ona hücum edənlərin sayı 5 nəfər olsa da ərizədə 2 nəfər olaraq qeyd edilib. Eləcə də zərərçəkən tibbi ekspertizadan keçə bilməyib.
“Əməliyyatçının yanında qarşı tərəf məndən hədə-qorxu ilə 8000 manat pul istədi və “onsuz səni həbs edəcəklər!” dedi” – zərərçəkən deyir.
8-ci polis bölməsinin “Pərviz” adlı əməkdaşı isə hadisə yerinə baxış tərtib edilmədən hadisənin “münaqişə” olduğunu deyib.
