BİR DƏQİQƏ, BALAM: Bu həftə kuirlərin gündəmində nələr var?
- Suriyanın keçid hökümətində LGBTQ+ haqları dəstəkçisi qadın nazir var. Əş-Şaraa rəhbərliyindəki hökümətin nazirlər kabineti açıqlanıb. Bu kabinetdə ən çox diqqət çəkən şəxs Əmək və Əhalinin Sosial Müdafiəsi Nazirliyinin rəhbəri təyin olunan Hind Kabawat olub. O, keçid hökümətindəki yeganə qadın və xristian nazir olmaqla yanaşı LGBTQ+ haqları dəstəkçisi kimi tanınır.
- LGBTQ+ haqlarını dəstəkləməsi səbəbindən Elton Con AIDS Fondunun fəaliyyəti Rusiyada qadağan edilib. Baş prokurorluq fondu “qeyri-ənənəvi cinsi münasibətləri, qərb ailə modellərini və cinsiyyətin dəyişdirilməsini” təbliğ etməkdə ittiham edib. 1992-ci ildə britaniyalı müğənni və bəstəkar tərəfindən yaradılan təşkilat, Rusiya da daxil olmaqla müxtəlif ölkələrdə IIV-in müalicəsi proqramlarını maliyyələşdirir. Fond, həmçinin illərlə Rusiyada amansız təqiblərlə üzləşmiş LGBTQ+ları müdafiə edib.
- ABŞ-ın Wisconsin ştatında Elon Muskın kampaniyasına 21 milyon dollar xərclədiyi anti-LGBTQ+ namizəd seçkiləri uduzub. Kaliforniya ştatı isə trans uşaqları cinslərinə uyğun gələn idman komandalarından uzaqlaşdırmağa çalışan iki qanun layihəsinə yox deyib. Hazırda bütün ölkə üzrə Trump əleyhinə etiraz aksiyaları davam edir.
